Kleopatra Tours er íslensk ferðaskrifstofa og við sérhæfum okkur í ferðum til Mið-Austurlanda og Afríku.
Kleopatra Tours hefur farið með fjölmarga hópa til Egyptalands og Jórdaníu, og bjóðum við núna upp á 5 ferðir til Egyptalands á ári og 3 ferðir til Jórdaníu á ári. Að auki erum við með safarí ferðir til Kenía. Við skipuleggjum einnig ferðir fyrir minni hópa eftir óskum, til dæmis fjölskyldur, vinahópa, fyrirtækjaferðir og fleiri.
Allir okkar farþegar hafa verið mjög ánægðir með ferðirnar og leggjum við okkur fram við að veita persónulega þjónustu. Ferðirnar okkar eru skipulagðar af kostgæfni þannig að hægt sé að njóta sem best alls þess sem við fáum að upplifa á þessum framandi slóðum.
Ferðaskrifstofan Kleopatratours var stofnuð árið 2019 af Omar Salama. Omar hefur búið á Íslandi í tæplega 20 ár og margir Íslendingar tengja hann við skák á Íslandi. Hann hefur ferðast til fjölmargra landa í gegnum skák og vinnu hans sem counselor hjá alþjóðlega skáksambandinu FIDE og hefur mikla þekkingu á menningu um allan heim. Omar er fæddur og uppalinn í Egyptalandi, hann fæddist í Alexandríu og bjó í Kaíró til 25 ára aldurs, þegar hann flutti til Íslands. Hann hefur sérhannað allar ferðirnar okkar, til þess að upplifun gestanna okkar sé sem best, við fáum að sjá margt á sama tíma og það er tími á milli til að njóta, og öll hótelin okkar eru einnig sérvalin.
Við hlökkum til að ferðast með ykkur til framandi slóða. 🌞 Það er alltaf hægt að heyra í okkur í síma: 776-6400, og kleopatratours@kleopatratours.is með hvaða spurningar sem þið eruð með í huga.