Menningarferð til Egyptalands 16-28 Apríl 2020

kr.385,000

SKU: 25 Categories: ,

Description

Einstök menningar og sólarferð til Egyptalands, þar sem við fáum að kynnast fornri menningu Egypta sem er meira en 6000 ára gömul, með íslenskumælandi Egypta.

Omar Salama er fararstjóri í ferðinni, hann hefur búið á Íslandi síðastliðin 15 ár, en er fæddur og uppalinn í Egyptalandi. Það þekkja hann margir Íslendingar úr skákheiminum. Hann fæddist í Alexandríu og bjó svo í Kaíró til 25 ára aldurs, áður en hann flutti til Íslands. Hann þekkir því vel menningu bæði Egyptalands og Íslands og hefur mikla þekkingu á þessu fjölmenna landi þar sem búa fleiri en 100 milljón manns. Í ferðinnni okkar verða líka sérfróðir innfæddir enskumælandi leiðsögumenn ásamt Omari.

Í þessari ferð heimækjum við Sfinx og píramídana, eitt af sjö undrum veraldar. Við heimsækjum líka musteri faróanna, moskur og markaði, förum í þriggja daga fljótasiglingu á Níl, heimsækjum dal konunganna, og Alexandríu

Fimmtudagur 16. apríl – Komum til Kaíró

Flug frá Keflavík 10:50, millilent í London Heatrow kl. 14:45. Förum frá London kl. 17:15 og lendum í Kaíró kl 23:15 og tékkum okkur inn á Le Méridien Pyramids Hotel.

Le Méridien Pyramids Hotel

Föstudagur 17. apríl – Píramídarnir og Sfinxinn í Giza.   

Eftir morgunmat er komið að því að skoða það sem margir hafa beðið eftir, að sjá píramídana og sfinxinn í Giza. Við borðum hádegismat á local veitingastað. Eftir það er frjáls tími og hægt að hvíla sig í sólinni við sundlaugarbakkann, með útsýni á pýramídana. 

Laugardagur 18 apríl –  Egypska Safnið

Í dag byrjum við daginn á að heimsækja þjóðminjasafn Egyptalands þar sem við sjáum meðal annars gullgrímu farósins Tutankhamun. Það kemur með okkur innfæddur Egyptafræðingur sem segir okkur frá öllu sem við sjáum á ensku.

Gullgríma Tut konungs, sem er til sýnis í Egypska Safninu

 

Sunnudagur 19 apríl – Frjáls dagur

Í dag er frjáls dagur í Kaíró.

Mánudagur 20 apríl – Luxor, musteri og magadans

Við fljúgum frá Kaíró til Luxor snemma morguns. Við komuna til Luxor förum við um borð í 5 stjörnu lúxusskipið NilegoddessVið byrjum á að koma okkur fyrir í káetunum okkar og borðum hádegismat á skipinu. 

Eftir hádegismatinn skoðum við musteri Karnak og Luxor musterið.

Um kvöldið er kvöldverður og magadanssýning um borð á Nilegoddess.

Þriðjudagur 21 apríl – Konungsdalurinn, Hatshepsut og sigling á Nílarfljótinu

Musteri Hatshepsut

Við byrjum daginn á að heimækja Konungadalinn í Luxor og musteri Hatshepsut drottningarinnar. Eftir skoðunarferðina förum við aftur á skipið og byrjum Nílarsiglinguna. 

Á leiðinni frá Luxur siglum við í gegnum Esna skipastigann sem er merkileg upplifun, skipið fer frá norðurhliðinni með lægra vatnsmagni, til suðurhliðarinnar. 

Það er stór upplifun að sigla eftir Níl, lengsta fljóti í Afríku þar sem báðir bakkar fljótsins eru fullir af leyndardómum Egyptalands. Við njótum útsýnisins frá bátnum og slökum á restina af deginum. 

Um kvöldið er koktailpartý og kvöldverður um borð í Nilegoddess.

Miðvikudagur 22. apríl – Edfu og Kom Ombo musterin og Galabya partý

Eftir morgunmat heimsækjum við Edfu Musterið á hestvagni. Musterið er risastórt og mikilfenglegt.

Við siglum svo til Kom Ombo og eftir hádegismat heimsækjum við Kom Ombo musterið.

Um kvöldið er kvöldverður á skipinu og Galabya partý. Þar geta þeir sem vilja verið í þjóðbúningi Suður Egyptalands í veislunni.

Fimmtudagur 23 apríl – Aswan stíflan, Philae hofið og sigling um grasagarðinn í Aswan

Í dag siglum við yfir til Aswan. Við komuna til Aswan heimsækjum við meðal annars háu Aswan stífluna og skoðum Philae hofið, sem er á eyju í miðju Nílarfljótinu.

Philae Hofið

Eftir hádegisverð á skipinu siglum við með felucca, egypskum seglbáti, í kringum Kitchener eyjuna þar sem er meðal annars fallegur grasagarður.

Eftir kvöldverð er Nubian þjóðdansasýning um borð á bátnum.

Föstudagur 24. apríl – Ferðumst frá Aswan aftur til Kaíró

Eftir morgunverð kveðjum við Nilegoddes og fljúgum aftur til baka til Kaíró. Við lendum kl 14:15 í Kaíró og tékkum okkur inn á fimm stjörnu hótelið okkar í Nýju Kaíró, þar sem við gistum seinustu næturnar í Egyptalandsferðalaginu okkar.

Restin af deginum er frjáls tími.

Aukaferð: Þeir sem vilja geta byrjað daginn á að heimsækja Abu Simbel, eitt af frægustu musterum heimsins. (ekki innifalið)

Laugardagur 25 apríl – Frjáls tími og Khan el-Khalili markaðurinn 

Khan el-Khalili markaðurinn

Við byrjum daginn á frjálsum tíma, þar sem meðal annars er hægt að njóta sólarinnar við sundlaugarbakkann.

Um kvöldið heimsækjum við Khan el-Khalili markaðinn, sem er einn af stæðstu mörkuðum í Kaíró, og við höfum tíma til að skoða og versla. 

Sunnudagur 26 apríl – Dagsferð til Alexandríu

Alexandria

Eftir morgunverðinn keyrum við til Alexandríu. Þar munu við heimsækja Montaza höllina, Qaitbay virkið og Pompay minnisvarðann. Við borðum hádegisverð á local veitingastað í Alexandríu.

Eftir skoðanaferðirnar keyrum við aftur á hótelið okkar í Kaíró.

Mánudagur 27 apríl – Kveðjum Egyptaland og heimsækjum London á leiðinni heim

Eftir morgunverð tékkum við okkur út af hótelinu og rúta keyrir okkur upp á flugvöll og við fljúgum til London.

Við lendum í london kl. 12:10. Rúta sækir okkur og keyrir á þriggja stjörnu hótel í London þar sem við gistum í eina nótt. Frjáls tími í London.

Þriðjudagur 28 apríl – Flogið heim til Íslands

Rútan sækir okkur á hótelið og keyrir okkur upp á flugvöll. Við fljúgum með British Airways og lendum í Keflavík kl. 10:00.

 

Innifalið í ferðinni okkar :

  • Flug fram og til baka með British Airways .
  • Flugvallagjöld og skattar
  • Ferðataska og handfarangur
  • Íslensk fararstjórn
  • Allar nætur á 5 stjörnu gistingu í Egyptalandi
  • Gisting í 1 nótt í London á 3 stjörnu hóteli.
  • Innanlands flug frá Kaíró til Luxor og frá Aswan til Kaíró með EGYPT AIR.
  • Morgunverður alla daga
  • Fullt fæði á fljótaskipi (4 nætur)
  • Allar rútuferðir í loftkældum rútum
  • Allar skoðunarferðir og aðgangseyrir skv. ferðaáætlun
  • Sérfróður innfæddur enskumælandi farastjóri
  • Allar ferðir milli flugvalla og hótela, komu og brottfara staða (ekki á Íslandi)

Ekki Innifalid í verði

  • Bólusetningar
  • Áritun til Egyptalands, fæst á 25 dollarar á flugvellinum í Kaíró fyrir Íslenska ríkisborgara

 

Borga staðfestingargjald

 

Panta einstaklingsherbergi 

 

Panta í tvíbýli

 

KLEOPATRA TOURS

Kleopatra Tours er Íslensk ferðaskrifstofa sem býður upp á ferðir til Mið-Austurlanda.

Omar Salama hefur búið á Íslandi í 15 ár, en bjó í Egyptalandi þar til hann var 24 ára. Hann hefur ferðast til fjölmargra landa í gegnum skák og hefur mikla þekkingu á menningu um allan heim.

 

Reviews

There are no reviews yet.

Be the first to review “Menningarferð til Egyptalands 16-28 Apríl 2020”

Your email address will not be published. Required fields are marked *