Menningar og sólarferð til Egyptalands 7-21 janúar – Uppselt – Næsta ferð verður í Apríl

(4 customer reviews)

kr.385,000 (Með VSK 11%)

Out of stock

Lýsing

Menningar og sólarferð til Egyptalands 7-21 janúar

Einstök menningar og sólarferð til Egyptalands, þar sem við fáum að kynnast fornri menningu Egypta sem er meira en 6000 ára gömul, með íslenskumælandi Egypta.

Omar Salama er fararstjóri í ferðinni, hann hefur búið á Íslandi síðastliðin 15 ár, en er fæddur og uppalinn í Egyptalandi. Það þekkja hann margir Íslendingar úr skákheiminum. Hann fæddist í Alexandríu og bjó svo í Kaíró til 25 ára aldurs, áður en hann flutti til Íslands. Hann þekkir því vel menningu bæði Egyptalands og Íslands og hefur mikla þekkingu á þessu fjölmenna landi þar sem búa fleiri en 100 milljón manns. Í ferðin okkar verða líka sérfróðir innfæddir enskumælandi fararstjórar ásamt Omari .

Í þessari ferð heimækjum við Sfinx og píramídana, eitt af sjö undrum veraldar. Við heimsækjum líka musteri faróanna, moskur og markaði, förum í þriggja daga fljótasiglingu á Níl, heimsækjum dal konunganna, og við endum svo við Rauðahafið þar sem við getum slakað á og notið sólarinnar á all inclusive 5 stjörnu resort.

Þriðjudagur 7. janúar – Komum til Kaíró

Við ferðumst með Lufthansa frá Íslandi. Við komuna til Kaíró tékkum okkur inn á Le Méridien Pyramids Hotel & Spa.

Miðvikudagur 8 janúar –Kastalinn í Kaíró og egypska fatimid ríkið

Í dag er léttur dagur þar sem við byrjum að kynnast Kaíró. Við heimsækjum Salah El Din kastalann í hjarta borgarinnar og skoðum Fatimid (gamli bær Kaíro og moskur)

Í frítímanum er tildæmis hægt að njóta útsýnisins píramídana frá sundlaugarbakkanum í sólinni.

Fimmtudagur 9 janúar – Píramídarnir, Sfinxinn og Egypska Safnið

Eitt af sjö undrum veraldar

Eftir morgunmat er komið að því að skoða það sem margir hafa beðið eftir, að sjá píramídana og sfinxinn í Giza.

Eftir það heimsækjum við þjóðminjasafn Egyptalands þar sem við sjáum meðal annars gullgrímu farósins Tutankhamun. Það kemur með okkur innfæddur Egyptafræðingur sem segir okkur frá öllu sem við sjáum á ensku.

Gullgríma Tut konungs, sem er til sýnis í Egypska Safninu

Við borðum hádegismat og kvöldmat á milli heimsókna á vinsælum Egypskum veitingastöðum í Kaíró.

Föstudagur 10. janúar – Komum til Aswan

Við fljúgum frá Kaíró til Aswan snemma morguns. Við komuna til Aswan heimsækjum við Háu Aswan stífluna.

Á hádegi förum við um borð í 5 stjörnu lúxusskipið Nilegoddess, og byrjum þriggja daga siglinguna á Nílarfljótinu til Luxor. Við byrjum á að koma okkur fyrir í káetunum okkar og borðum hádegismat á skipinu.

Eftir það förum við með bát og skoðum Philae hofið, sem er á eyju í miðju Nílarfljótinu.

Philae Hofið

Það er stór upplifun að sigla eftir Níl, lengsta fljóti í Afríku þar sem báðir bakkar fljótsins eru fullir af leyndardómum Egyptalands. Við njótum útsýnisins frá bátnum og slökum á restina af deginum, og borðum svo kvöldmat á bátnum.

Eftir kvöldmat geta þeir sem viljað komið með á oriental markaðinn í Aswan.

Laugardagur 11 janúar – Sigling á Nílarfljótinu

Þeir sem vilja geta byrjað daginn á að heimsækja Abu Simbel, eitt af frægustu musterum heimsins

Við njótum siglingarinnar og heimsækum Kom Ombo musterið.

Um kvöldið er Galabia partý um borð. Þar geta þeir sem vilja verið í þjóðbúningi Suður Egyptalands í veislunni.

Sunnudagur 12. janúar – Sigling á Nílarfljótinu

Við heimsækjum Edfu Musterið á hestvagni. Musterið er risastórt og mikilfenglegt.

Á leiðinni til Luxor siglum við í gegnum Esna skipastigann sem er merkileg upplifun, skipið fer frá suður hliðinni til norðurhliðarinnar með lægra vatnsmagni.

Við komum til Luxor að kvöldi og gistum á skipinu yfir nóttina.

Mánudagur 13. janúar – Luxor

Eftir morgunmat á skipinu förum við og skoðum Luxor.

Musteri Hatshepsut

Við heimækjum meðal annars Konungadalinn í Luxor og musteri Hatshepsut drottningarinnar, musteri Karnak, og Luxor musterið.

Við gistum eina nótt á 5 stjörnu hótelinu, Steigenberger Nile Palace

Við borðum bæði hádegismat og kvöldmat í Luxor.

Aukamöguleiki: Þeir sem vilja geta bætt við ferð í loftbelg yfir Luxor.

14. janúar til 17. janúar– Hurgada

Við borðum morgunmat á hótelinu og tékkum okkur út um hádegi. Við tökum svo rútu yfir til Hurgada. Rútan tekur 3 og hálfa til 4 klukkustund.

Við komuna til Hurgada tékkum við okkur inn á 5 stjörnu Jaz Aquamarine Resort, þar sem við dveljum í 3 nætur. Á hótelinu er allt innifalið, bæði matur og allir drykkir. 

Hótelið okkar í Hurghada

Það eru 20 sundlaugar á svæðinu, 3 vatnsrennibrautagarðar og beinn aðgangur að einkaströnd.

Í Hurgada eru allskonar auka ferðir í boði, og hægt er að panta þær, fyrir þá sem vilja, þegar komið er á staðinn. Vinsælast hefur tildæmis verið að fara á mótorhjól í Sahara eyðimörkinni, kafbátaferð í Rauðahafinu, snorkling og fleira.

Frá kafbátaferð í Hurghada

Föstudagur 17 janúar – Komum aftur til Kaíró

Við fljúgum frá Hurghada aftur til Kaíró. Við tékkum okkur inn á sama hótel og við gistum á áður. Frjáls tími í Kaíró.

Laugardagur 18 janúar – Khan el Khalily Markarðurinn 

 Í dag förum við í Khan El Khalily sem er einn af stæðstu mörkuðum í Kaíró, og við höfum tíma til að skoða og versla. 

Sunnudagur 19 janúar – Kaíró turninn

Valferð til turnsins í Kaíró. Héðan er útsýni yfir alla Kaíró

Turninn í Kaíró

Mánudagur 20 janúar – Kaíró til London

Við vöknum eldsnemma, tékkum okkur út af hótelinu og förum upp á flugvöll. Við fljúgum til London og verðum þar í eina nótt. Rútan sækir okkur og keyrir okkur á þriggja stjörnu hótel. Frjáls tími í London.

Þriðjudagur 21 janúar – flug til Íslands

Rútan sækir okkur á hótelið og keyrir okkur upp á flugvöll. Við fljúgum með British Airways og lendum í keflavík kl. 12:40.

Innifalið í ferðin Okkar :

  • Flug fram og til baka með British Airways .
  • Flugvallagjöld og skattar
  • Ferðataska og handfarangur
  • Íslensk fararstjórn
  • Allar nætur á 5 stjörnu gistingu í Egyptalandi
  • Gisting í 1 nótt í London á 3 stjörnu hóteli.
  • Innanlands flug frá Kaíró til Aswan og frá Hurghada til Kaíró með EGYPT AIR.
  • Morgunverður alla daga
  • Fullt fæði á fljótaskipi (3 nætur)
  • Fullt fæði í Hurghada og alla drykkir líka innifalið !
  • Allar rútuferðir í loftkældum rútum
  • Allar skoðunarferðir og aðgangseyrir skv. ferðaáætlun
  • Sérfróður innfæddur enskumælandi farastjóri
  • Allar ferðir milli flugvalla og hótela, komu og brottfara staða (ekki á Íslandi)

Ekki Innifalid í verði

  • Bólusetningar
  • Áritun til Egyptalands, fæst á 25 dollarar á flugvellinum í Kaíró fyrir Íslenska ríkisborgara

 

Borga staðfestingargjald

 

Panta einstaklingsherbergi 

 

KLEOPATRA TOURS

Kleopatra Tours er Íslensk ferðaskrifstofa sem býður upp á ferðir til Mið-Austurlanda.

Omar Salama hefur búið á Íslandi í 15 ár, en bjó í Egyptalandi þar til hann var 24 ára. Hann hefur ferðast til fjölmargra landa í gegnum skák og hefur mikla þekkingu á menningu um allan heim.

 

4 reviews for Menningar og sólarferð til Egyptalands 7-21 janúar – Uppselt – Næsta ferð verður í Apríl

  1. Sísí

    Ég fór með Omari til Egyptalands í apríl og ferðin var frábær. Náðum að gera og sjá svo margt skemmtilegt og fræðast um magnaða sögu þessa lands.
    Mæli 110% með Omari og þessari frábæru ferð!

  2. Jensína Edda Hermannsdóttir

    Ég mæli sannarlega með Kleopatra tours. Ferðin okkar til Egyptalands var mögnuð. Það er hægt að treysta öllu og allt gert til að fólki líði vel og er öruggt. Lífsins ævintýri ♥️

  3. Ásdís

    Hvílíkt ævintýri að fara með Ómari og Kleopatra tours til Egyptalands. Allt mjög vel skipulagt, haldið vel utan um hópinn og Egyptaland auðvitað stórkostlegt land að skoða. Minning um að vera á baki úlfalda með Sahara á aðra hönd og pýramída á hina mun aldrei gleymast. Mæli svo sannarlega með Kleopatra tours🐪🐪

  4. Aldís

    Ég fór í ferð með Ómari og kleopatra tours um páskana sem var æðisleg. Ég mæli algjörlega með þessari ferð. Frábær upplifun, skemmtileg ferð og skoðuðu áhugaverða staði og fræddumst um magnaða menningu og sögu Egyptalands. ❤ Ferð sem allir ætti að skella sér í. ❤ Vel skipulagt og haldið vel utan um alla og passað uppá vellíðan ferðalanga. Takk Ómar fyrir að bjóða upp á svona topp ferð. ❤❤❤

Add a review

Netfang þitt verður ekki birt. Nauðsynlegir reitir eru merktir *